“स्वास्थका लागि खेलकुद राष्ट्रका लागि खेलकुद” भन्ने मुल नाराका साथ आयोजना गरिएको राष्ट्रपति रनिङ शिल्ड अन्तर विद्यालय स्तरीय खेलकूद प्रतियोगिता २०७६ आज सम्पन्न भएको छ। तीन दिन सम्म चलेको खेलकूद प्रतियोगितामा ७ स्वर्ण, ७ रजत र ५ कास्य सहित महेन्द्र मा.वि समग्रमा प्रथम, ७ स्वर्ण, २ रजत र ५ कास्य सहित उदय मा.वि द्वितीय यसैगरी ६ स्वर्ण, ६ रजत र ३ कास्य सहित शारदा मा.वि तृतीय हुन सफल भए। आज सम्पन्न भलिबल छात्रतर्फ शारदा मावि प्रथम, गौरीशङ्कर मावि द्वितीय र माछापुच्छ्रे मावि तृतीय स्थान हसिल गर्न सफल भए भने छात्रातर्फ बराह मावि प्रथम, निष्पक्ष मावि द्वितीय र माछापुच्छ्रे माविले तेस्रो स्थान हासिल गरे। यसैगरी कवड्डी छात्रतर्फ शारदा मा.वि प्रथम, गौरी शंकर मा.वि द्वितीय र माछापुच्छ्रे मा.विले तेस्रो स्थान हासिल गरे भने छात्रातर्फ महेन्द्र मा.वि प्रथम, शारदा मा.वि, द्वितीय र माछापुच्छ्रे मा.विले तेस्रो स्थान हासिल गर्न सफल भए। महेन्द्र मा.विले समग्र प्रतियोगितामा प्रथम भए संगै लगातार दोस्रो पटक उपधि जित्न सफल भएको छ।