समाचार
माछापुच्छ्रे गाउँपालिकाको वडा नं. १ माछापुच्छ्रे र वडा नं. २ सार्दीखोला दुई वडा जोड्ने खारपानी – तातोपानी मोटरेवल पुलको समुद्घाटन
माछापुच्छ्रे गाउँपालिकाको वडा नं. १ माछापुच्छ्रे र वडा नं. २ सार्दीखोला दुई वडा जोड्ने खारपानी – तातोपानी मोटरवेल पुलको समुद्घाटन कार्यक्रम। मिति २०७६ फाल्गुण १९ गते सोमबार पुलको उद्घाटन प्रमुख अतिथि, गण्डकी प्रदेशका मुख्यमन्त्री माननीय पृथ्वी सुब्बा गुरुङ्ले शिलालेख अनावरण गरी गर्नु भएको थियो। माछापुच्छ्रे गाउँपालिकाका अध्यक्ष कर्ण बहादुर गुरुङको अध्यक्षतामा संचलान भएको कार्यक्रममा विशिष्ट अतिथिको रुपमा गण्डकी प्रदेशका भौतिक पुर्वाधार मन्त्री मा. रामशरण बस्नेत तथा गण्डकी प्रदेश सांसद मा. रामजि प्रसाद बरालको उपस्थिती रहेको थियो। कार्यक्रममा गाउँपालिका उपाध्यक्ष लगायत कार्यपालिकाको सदस्यहरु, स्थानीय जनप्रतिनिधीहरु, पूर्वाधार विकास कार्यालयको प्राविधिक समुह, गाउँपालिका कर्मचारी एवं माछापुच्छ्रे गाउँपालिका वडा १ (माछापुच्छ्रे), २ (सार्दीखोला) तथा ३ (घाचोक) बाट उल्लेख्ये रुपमा स्थानीय वासीहरुको सहभागिता रहेको थियो। कार्यक्रमको संचालन माछापुच्छ्रे गाउँपालिकाका प्रमुख प्रशासकीय अधिकृत कुमान सिंह गुरुङ्गले गर्नु भएको थियो।
